Мадриднинг “Реал” клуби ҳимоячиси Начо Фернандес фаолиятини Италия чемпионатида давом эттириш имкониятига эга.
Инсайдер Руди Галеттининг хабарига кўра, испаниялик футболчига "Рома" қизиқиш билдирмоқда. Рим клуби футболчи учун "Интер" билан курашади. Начонинг ўзи ҳали келажаги ҳақида бир қарорга келмаган.
33 ёшли ҳимоячи 2012 йилдан бери "Реал" сафида тўп суради. Томонлар ўртасидаги амалдаги шартнома келаси ой охирида тугайди.
Испания чемпионатининг жорий мавсумида Начо 26 та ўйин ўтказди.