"Милан"нинг собиқ ярим ҳимоячиси Кака 2004/05 йилги Чемпионлар лигаси финалида "Ливерпул"дан учралган мағлубиятни эслади.
Учрашув давомида "россонерилар" 3:0 ҳисобида олдинда боришаётганди, аммо устунликни қўлдан бой беришди, кейин эса пенальтилар сериясида мағлуб бўлишди.
«Ўйлашимча, «Милан» тарихдаги энг кучли ҳимоя чизиғига эга эди, бироқ негадир биз олти дақиқа ичида учта гол ўтказиб юбордик.
Бу шунчаки ақл бовар қилмас нарса эди. Мағлубиятга учраганимиз ачинарли, лекин мен ўшанда яхши ўйнаганман.
Ғолиблар тарафида бўлмаган бўлсам ҳам, шундай тадбирда иштирок этганимдан хурсандман. Мен ўша мағлубиятдан кўп нарсани ўргандим", - дейди машҳур бразилиялик собиқ футболчи 90 min нашрига.
