31 май куни "Камп Ноу"да "Барселона"нинг афсонавий ярим ҳимоячиси Серхио Бускетс билан хайрлашиш маросими бўлиб ўтмоқда. Маросим давомида каталонияликларнинг собиқ бош мураббийи Хосеп Гвардиола нутқ сўзлади.

“Севимли клубимиздаги фаолиятингизни якунлаганингиз билан табриклаймиз. Сиз бир кун келиб мураббий бўлишингизни биламан. Мен сизни ўриндиқда кутаман. Билингки, мен сизни мағлуб этаман ва тўпни олиб кетаман (кулади)", - деди Гвардиола.

Бускетс "Барселона" тарбияланувчиси ҳисобланади. Каталонияликларнинг асосий таркибида ярим ҳимоячи 722 та ўйин ўтказиб, 18 та гол урган ва 45 та голга ассистентлик қилган.