"Манчестер Юнайтед"нинг марказий ҳимоячиси Рафаэль Варан Эрлинг Холанд билан бўлажак учрашуви ҳақида гапирди.
Норвегиялик ҳужумчи 36 та гол билан Премьер-лиганинг энг яхши тўпурари ва рекордчисига айланди. 3 июнь куни Англия кубоги финалида "Манчестер Сити" "Манчестер Юнайтед" билан ўйнайди.
"Қўрқув? Бўлиши мумкин эмас. Менга қийин синовлар ёқади. Биз Холандни зарарсизлантиришга эмас, умуман бошқа рақибларнинг ўйинига эътибор қаратишимиз керак.
Албатта, Холанд жуда хавфли, буни ҳамма яхши билади, аммо «Сити»да бошқа таҳдидлар ҳам етарли", - деди франциялик марказий ҳимоячи.
