"ПСЖ" Марко Асенсиога йилига 10 миллион евро таклиф қилмоқда.
Аввалроқ Асенсио "Реал" билан шартномаси якунланганидан кейин эркин агент сифатида "ПСЖ"га ўтиши ҳақида хабарлар тарқалган эди. Қанот футболчиси парижликлар клуби билан узоқ муддатли шартнома борасида келишувга эришди.
The Athletic хабарига кўра, Асенсио "ПСЖ"да йилига 10 миллион евро ва бонуслар ишлаб олади. Келишув Ла Лига мавсуми якунланганидан кейин имзоланиши кутилмоқда.
Хабарларга кўра, Асенсио йил бошидан бери "Реал Мадрид" билан шартномасини узайтириш бўйича музокаралар олиб борган, аммо улар келишувга эриша олмади.
Олдинроқ Асенсиога "Астон Вилла", "Милан" ва "Арсенал"дан қизиқиш бўлгани ҳақида маълумотлар пайдо бўлганди.