"Наполи" ҳужумчиси Хвича Кварацхелия А Серияда жорий мавсумнинг энг яхши футболчиси бўлди. Бу ҳақда Италия чемпионати расмий сайтида маълум қилинди.
Эслатиб ўтамиз, 22 ёшли грузиялик футболчи ўтган ёзда Неапол клубига келиб қўшилган эди. Италия чемпионатининг жорий мавсумида Кварацхелия 33 учрашувда 12 та гол урди ва 13 та голли узатма муаллифига айланди.
«Наполи» муддатидан аввал Италия чемпионати олтин медалларини қўлга киритди. Сўнгги турда Лучано Спалетти шогирдлари ўз майдонида “Сампдория”ни қабул қилади.
Учрашув 4 июнь куни бўлиб ўтади.
