"Манчестер Сити" бош мураббийи Хосеп Гвардиола Илкай Гюндоган ҳақида фикр билдирди.
“Гюндоган менинг позициямни билади. Биз қўшнимиз ва яхши дўстмиз. Ҳозирда клуб спорт директори бу борада иш олиб бормоқда. Илкай "Манчестер Сити"да яхши ўйнайди. Умид қиламанки, ҳаммаси яхши тугайди”, - дейди мураббий.
Гюндоганнинг келажаги борасидаги қарор Чемпионлар Лигаси финалида Миланнинг “Интер”ига қарши ўйиндан сўнг қабул қилинади. Учрашув 10 июнь куни Истанбулда бўлиб ўтади.
Германиялик ярим ҳимоячининг “шаҳарликлар” билан шартномаси шу ой охирида тугайди.
