Ўзбекистон миллий терма жамоаси 16 октябрь куни ЖЧ-2014 саралаш 4-босқич 5-тур ўйинлари доирасида Қатар терма жамоасига қарши майдонга тушади.
Миржалол Қосимов шогирдлари учун ғоят муҳим аҳамиятга эга бўлган ўйин Тошкент вақти билан 17:25да бошланади. Доҳадаги «Ас-Садд» стадионида ўтказиладиган ўйинда Ўзбекистон миллий терма жамоаси кўк рангли либосларда ҳаракат қилади.
Қатар: саралаш баҳсларидаги қатнашуви
Қатар терма жамоаси илк маротаба 1978 йилги жаҳон чемпионати саралаш баҳсларида иштирок этган. Аммо саралаш баҳсларидаги илк иштирок қатарликар учун омадсиз келди ва улар саралаш гуруҳида сўнгги ўринни эгаллашди. Гуруҳ босқичида улар Баҳрайн ва Кувайт каби терма жамоалардан ортда қолишди.
Қатар терма жамоаси шундан буён барча жаҳон чемпионатлари саралаш баҳсларида иштирок этиб келмоқда. Лекин шу пайтгача улар жаҳон чемпионатлари финал босқичи баҳсларига чиқа олишмаган.
Қатар терма жамоасининг саралаш баҳсларидаги энг яхши кўрсаткичи 1990 йилги жаҳон чемпионати саралашига тўғри келади. Ўшанда қатарликлар тўртинчи саралаш босқичида, гуруҳда Жанубий Корея ҳамда БАА терма жамоаларидан сўнг учинчи ўринни эгаллшган.
Ҳозирги давр
Қатар суперлигасининг сўнгги йиллардаги мавқеи ва ушбу лигада кўплаб жаҳон юлдузларининг тўп суриши мамлакат футболи ривожига сезиларли равишда таъсир кўрсатди. 2004 йилдан бошлаб Қатар суперлигаси Қатар Юлдузлар лигаси деб номлана бошлади. Айнан ўша йили қатарликлар Форс кўрфази кубогини қўлга киритишди. Аммо Қатар терма жамоасида тез-тез авлодлар алмашинувининг вужудга келиши, Халфан Иброҳим каби футболчиларнинг узоқ йиллар ичида бир маротаба пайдо бўлиши терма жамоа савиясига ўз таъсирини ўтказмай қолмади.
Терма жамоага сўнгги йилларда барқарорлик етишмаяпти. Терма жамоа бош мураббийлигига ҳориждан таниқли мутахассислар жалб этилмоқда. Шунга қарамай терма жамоа жаҳон чемпионати саралаш баҳсларида кўнгилдагидек иштирок эта олмаяпти. Учинчи саралаш баҳсларида Қатар терма жамоаси сафарда Вьетнам терма жамоасидан 1:2 ҳисобида мағлубиятга учрагани кутилмаган натижа бўлди. 2011 йилнинг декабрь ойида Араб ўйинларидаги иштирокидан сўнг терма жамоанинг бразилиялик бош мураббийи Себастьян Лазарони истеъфога чиқарилди.
Терма жамоа юлдузлари
Халфан Иброҳим Қатар футболининг сўнгги йиллардаги энг машҳур ва ёрқин ўйинчиларидан бири сифатида эътироф этиб келинади.
Халфан Иброҳимдан ташқари сўнгги йилларда энг кўп тилга олинадиган футболчилардан бири - келиб чиқиши уругвайлик бўлган Себастьян Сория ҳисобланади. Истеъдодли ҳужумчидан терма жамоа бош мураббийи ҳамда мухисларнинг умиди катта. Терма жамоанинг тажрибали ва муҳим ўйинчилари сафига, шунингдек, Ҳусайн Ёсир, Ҳасан ал-Айду, Иброҳим Мажид, Ҳолид Муфтаҳ каби футболчиларни киритиш мумкин.
Бош мураббий: Пауло Аутуори.
ФИФА турнирларидаги энг яхши натижаси: Ёшлар ўртасида (FIFA U-20) жаҳон чемпионати финалчиси, Австралия-1981.
Таниқли футболчилари: Мансур Муфтаҳ, Муборак Мустафо, Иброҳим Халфан.
Терма жамоа сафида энг кўп ўйин ўтказган футболчи: Одил Хамис ал-Нубий (110).
Терма жамоа сафида энг кўп гол урган футболчи: Муҳаммад ал-Энази (36).
ФИФА рейтингидаги ҳозирги ўрни: 90.
Қатар терма жамоасининг ЖЧ-2014 саралаш баҳсларидаги учрашувлари
|
Сана |
Шаҳар |
Учрашув |
Натижа |
|
4-саралаш босқичи |
|||
|
12/06/12 |
Теҳрон |
Эрон – Қатар |
0:0 |
|
08/06/12 |
Доҳа |
Қатар – Жанубий Корея |
1:4 |
|
03/06/12 |
Байрут |
Ливан – Қатар |
0:1 |
|
3-саралаш босқичи |
|||
|
29/02.12 |
Теҳрон |
Эрон – Қатар |
2:2 |
|
15/11/11 |
Доҳа |
Қатар – Баҳрайн |
0:0 |
|
11/11/11 |
Доҳа |
Қатар – Индонезия |
4:0 |
|
10/10/11 |
Жакарта |
Индонезия – Қатар |
2:3 |
|
06/09/11 |
Доҳа |
Қатар – Эрон |
1:1 |
|
02/09/11 |
Манама |
Баҳрайн – Қатар |
0:0 |
|
2-саралаш босқичи |
|||
|
28/07/11 |
Ханой |
Вьетнам – Қатар |
2:1 |
|
23/07/11 |
Доҳа |
Қатар – Вьетнам |
3:0 |
Статистика:
Ўйинлар - 11
Ғалаба - 4
Дуранг - 5
Мағлубият - 2
Урилган голлар – 16 (ўртача ҳар бир ўйинга 1.45)
Ўтказиб юборилган голлар - 11 (ўртача ҳар бир ўйинга 1)
Сариқ каточкалар – 25 (ўртача ҳар бир ўйинда 2.27)
Қизил карточкалар – 0
Қатар терма жамоаси аъзоларининг ЖЧ-2014 саралаш босқичидаги статистикаси
|
Амплуа |
Исми |
Ўйини |
Дақиқа |
Гол |
Сариқ |
С+C=Қ |
Қизил |
||
|
Дарвозабон |
Қосим Бурҳон |
10 |
900 |
0 |
1 |
0 |
0 |
||
|
Дарвозабон |
Баба Ндиайд |
1 |
90 |
0 |
0 |
0 |
0 |
||
|
Ҳимоячи |
Касола Муҳаммад |
9 |
745 |
2 |
1 |
0 |
0 |
||
|
Ҳимоячи |
Иброҳим Мажид |
9 |
810 |
0 |
4 |
0 |
0 |
||
|
Ҳимоячи |
Билол Ражаб |
6 |
540 |
0 |
Манба: www.the-uff.com
Киритилди: 18:09, 15.10.2012.
Ўқилди: 6419 марта. Фикрлар: 2 та. 
ЭНГ КЎП ЎҚИЛГАН ЯНГИЛИКЛАР«Реал» футболчиларидан бири клубдан кетишга мажбур бўлади [6237] Погба «МЮ»га қайтади [4431] Сане ўзига янги клуб танлади [4018] Пике: "Месси ҳар доим бошқалардан ажралиб турган, Криштиану одамларнинг энг зўри" [3718] Аёллар «класико»сида «Барселона» йирик ҳисобида ғалаба қозонди (видеошарҳ) [2406] Дьёкереш учун пойгада етакчи клуб аниқ бўлди [2356] «Барса» ҳимоячиси клуб режаларида эмас [2018] Дембеле қачон фаолиятини якунлашини ва кейин нима билан шуғулланишини айтди [1754] Тони Кроос: «Одатда қароримни ўзгартирмайман...» [1652] Sport TV'да 17 ноябрь куни 2 та жонли футзал трансляцияси бор [1560]
|
