Қатар - Ўзбекистон учрашувидан кейин терма жамоамиз аъзолари билан боғланиб, уларни саволларга тутдик.

"Бизни қийин вазиятда қолдиришиб, учрашувни иссиқ ҳаво пайтига тўғрилашган бўлсалар-да, барибир Ўзбекистон ўз мақсадига эриша олди — уч очко бизда", - дейди Жасур Ҳасанов ўйинга шарҳ бераркан.

Учрашув якунлангач, ўйиннинг энг яхши футболчиси деб топилган Куинтана совғани Жасур Ҳасанов либосида қабул қилиб олди. Бу борада Ҳасановнинг фикрлари қуйидагича бўлди.

«Ўйин якунлангач, Қатар терма жамоаси ҳужумчиси Сория Куинтана олдимга келиб, формамни сўради. У билан Қатар клубларидаги фаолиятим орқали қалин дўстлашиб кетгандик».

Қатарга билан ўйинда сариқ карточка олган Ҳасанов энди навбатдаги турда Эронга қарши майдонга туша олмайди. Бунгача Ливан билан баҳсда ҳам Жасур огоҳлантирилганди.

«Очиғини айтсам, ҳакамнинг қарорига ва менга нима сабабдан сариқ карточка кўрсатганига тушунмадим. У ҳам ўз қарорини изоҳлаб бера олмади».

Баҳодир МИРЗАЕВ суҳбатлашди.