Ҳужумчи Ромелу Лукаку 2022/2023 йилги мавсумни “Интер”да ижара асосида ўтказди. Бельгиялик футболчи Миланда қолиши мумкин. Ижтимоий тармоқ журналисти Антонио Витьеллонинг хабар беришича, “россонерилар” вакиллари аллақачон Лукаку вакиллари билан йиғилиш ўтказишган. 30 ёшли ўйинчининг "Челси"дан "Милан"га ўтиши учун у маошини камайтириши керак.
Шу билан бирга, таъкидланишича, "Милан" учун Маркус Тюрам ҳужум чизиғидаги устувор номзод ҳисобланади.
2022/2023 йилги мавсумда Лукаку 37 та ўйинда майдонга тушиб, 14 та гол урди ва 7 та голга ассистентлик қилди.