"Манчестер Юнайтед" узоқ йиллик курашлардан кейин 2021 йилнинг июлида Санчо имзосига эришади. Аммо инглиз футболчиси ўзидан кутилган умидларни оқлай олмайди. Шу ерда савол туғила бошлади: унинг ўрнига яхшироқ вариантлар бордир ёки бўлгандир? Оле Гунар Сульшерда Санчо учун ўша пайтда тўртта муқобил вариант бўлган. Аммо "қизил иблислар" 73 миллион фунт эвазига 21 ёшли ҳужумчи харидини амалга оширади. Қуйида Шульшер рўхатида бўлган футболчилар кимлиги билиб оласиз.
Исмаила Сарр
"Уотфорд" сенегаллик ҳужумчини 2019 йилда 30 миллион фунтга харид қилади. Сарр ҳозир ҳам "буғулар"нинг рекорд трансфери сифатида қайд этилади. Йиллар давомида футболчи АПЛ ва Чемпионшипда ҳаракат қилди. Ҳозир ҳам Сарр "Уотфорд" билан қолмоқда. Аммо бир мавсумдан кейин унинг шартномасига якун ясалади.
Кингсли Коман
Миш-мишлар бобида ҳаммани ҳайрон қолдирадиган футболчи 2020 йил ЕЧЛ финалида "Бавария"га ғалаба келтирган голга муаллифлик қилади. Ўшанда француз ҳимоячиси "МЮ" радарида турганди. 27 ёшли Коман ўтган мавсум сўнгида яна бир бор Германия чемпионлигини нишонлаганди. У бу борада 100 фоизлик натижа қайд этмоқда. Яъни Коман Бундеслигага келганидан бери мамлакат чемпиони бўлиб келади.
Иван Перишич
Перишич ўтган ёзда АПЛга йўл олганди. Аммо бу кўчиш аввалроқ ҳам рўй бериши мумкин эди. Хорватиялик футболчи "Интер"ни 2021 йилдаги чемпионлигида муҳим рўл ўйнайди. 34 ёшли футболчига икки йил олдин "МЮ" қизиқиш билан қараганди. Унинг "Тоттенхэм"га келиши эса омадсиз кечди.
Дуглас Коста
Бразилиялик ҳужумчи ўзининг Европадаги фаолияти давомида 10 дан ортиқ лига чемпионлигига эришган. Коста "Шахтёр Донецк", "Бавария" ва "Ювентус" шарафини ҳимоя қилган эди. 2020 йилнинг октябрида футболчи "Бавария" сафига қайтади. Мавсум тугагач эса, Бразилиянинг "Гремио" клубига ижарага берилади. Айни дамда 33 ёшли футболчи "ЛА Гэлакси" сафида ўйнамоқда.
ИСМАТОВ Ж.
