"Манчестер Сити" ҳимоячиси Жоау Канселу "Барселона"га ўтиши мумкин.
29 ёшли футболчини ўтган мавсумнинг иккинчи ярмини ўтказган "Бавария" сотиб олмасликка қарор қилди ва "Манчестер Сити" ҳам португалияликни режаларига киритмаган. "Барселона" Канселуни таклиф қилишга қизиқаётгани ҳақида аллақачон хабар берилган эди, аммо ҳозир, инсайдер Фабрицио Романо ўзининг янгиланган ҳисоботида ёзишича, Каталония клуби бу ёзда шартнома имзолаш учун асосий даъвогарлардан бири ҳисобланади.
Эслатиб ўтамиз, Жоау Канселуга "Реал" ҳам қизиқиш билдирмоқда. Футболчининг "Манчестер Сити" билан шартномаси 2027 йилгача мўлжалланган.
