"Manchester Siti" himoyachisi Joau Kanselu "Barselona"ga o‘tishi mumkin.
29 yoshli futbolchini o‘tgan mavsumning ikkinchi yarmini o‘tkazgan "Bavariya" sotib olmaslikka qaror qildi va "Manchester Siti" ham portugaliyalikni rejalariga kiritmagan. "Barselona" Kanseluni taklif qilishga qiziqayotgani haqida allaqachon xabar berilgan edi, ammo hozir, insayder Fabrisio Romano o‘zining yangilangan hisobotida yozishicha, Kataloniya klubi bu yozda shartnoma imzolash uchun asosiy da’vogarlardan biri hisoblanadi.
Eslatib o‘tamiz, Joau Kanseluga "Real" ham qiziqish bildirmoqda. Futbolchining "Manchester Siti" bilan shartnomasi 2027 yilgacha mo‘ljallangan.