"Реал" ва "ПСЖ" ўртасида ҳужумчи Килиан Мбаппе бўйича музокаралар давом этмоқда.
Инсайдер Томас-Гонсалес Мартиннинг ижтимоий тармоқлар орқали хабар беришича, “қироллик” клуби бошлиқлари 24 ёшли футболчи учун 200+20 миллион евро таклиф қилишга тайёр. Мадридликлар бу шартнома учун клуб ажратадиган максимал миқдор эканлигини таъкидлади.
"ПСЖ" эса ўз навбатида бундай шартлардан қониқмаяпти. Парижликлар ўз етакчиси учун 250+50 миллион таклиф қилинса, у билан хайрлашишга тайёр.
Мбаппенинг француз клуби билан шартномаси 2024 йилнинг ёзида якунига етади. Олдинроқ ҳужумчи шартномани узайтирмаслигини айтганди.
