"Ренн" ҳужумчиси Жереми Доку Англия Премьер-лигасининг кўплаб клублари эътиборини тортмоқда.
Журналист Саша Тавольери сўзларига кўра, Бельгия терма жамоаси футболчисини Англия чемпионатининг кўплаб клублари кузатиб боради, аммо "қизил-қоралар" раҳбарияти вингерни жамоанинг ажралмас футболчиси деб билади. Малумотларга кўра, француз клуби бошлиқлари Докуни камида 50 миллион еврога сотишни кўриб чиқишга тайёр.
Эслатиб ўтамиз, Жереми Доку 2020 йилдан бери "Ренн"да ўйнаб келмоқда. Transfermarkt портали 21 ёшли ҳужумчининг нархини 18 миллион еврога баҳоламоқда.