Италия терма жамоасининг собиқ ҳимоячиси Фабио Каннаваро Туркиянинг "Фотиҳ Карагюмрук" жамоасини бошқариши мумкин, дея хабар беради журналист Альфредо Педулла.
Манбага кўра, 49 ёшли мутахассис турк клубининг қисқа рўйхатидан жой олган. Жамоани аввалроқ Андреа Пирло бошқарган, унинг кетиши май ойида эълон қилинган эди. Кейинроқ Пирло Б серияга тушиб кетган “Сампдория”ни қабул қилиб олди.
Каннаваронинг сўнгги иш жойи шу йилнинг февраль ойида тарк этган "Беневенто" бўлган. Бунгача италиялик мутахассис “Гуанчжоу Эвергранд”, “Ан-Наср”, “Тяньцзинь” ва Хитой терма жамоасини бошқарган.
Маълумот ўрнида, "Карагюмрук" таркибида ўзбекистонлик ярим ҳимоячи Отабек Шукуров тўп тепади.
