Менхенгладбахнинг "Боруссия" клуби собиқ ҳужумчиси Маркус Тюрам "Интер"га ўтди. Бу ҳақда Милан клуби расмий сайтида маълум қилди.

25 ёшли ҳужумчи 2019 йилдан буён "Боруссия" жамоасида ўйнаб келаётган. Бу вақт ичида у барча мусобақаларда 134 та учрашувда иштирок этиб, 44 та гол урди ва 29 та голли узатма муаллифига айланди. У немис клубини текинга тарк этди. Франциялик футболчининг трансфер нархи 32 миллион еврога баҳоланмоқда.

Ўтган мавсум якунига кўра, "Боруссия" (М) Германия чемпионати турнир жадвалида ўнинчи ўринни эгаллади. "Интер" А Серияда учинчи ўринни эгаллади.