"Челси" футболчиси Кристиан Пулишич "Лион"га ўтишдан бош тортди, америкалик ярим ҳимоячи фаолиятини "Милан"да давом эттирмоқчи, деб хабар беради ESPN.
Манбага кўра, Пулишич аллақачон "Милан" билан келишувга эришган ва "Лион"дан фарқли ўлароқ, келаси мавсумда Чемпионлар лигасида ўйнайдиган Италия клубига ўтмоқчи. Шунингдек, "Милан" ярим ҳимоячига юқори маош таклиф қилгани қайд этилган.
Ушбу босқичда "россонерилар" Кристиан Пулишични сотиб олиш учун "Челси"га янги таклиф тайёрламоқда. Инглиз клуби ўз футболчисини 25 миллион еврога баҳоламоқда, "Милан" эса атиги 15 миллион евро таклиф қилган.
