"Chelsi" futbolchisi Kristian Pulishich "Lion"ga o‘tishdan bosh tortdi, amerikalik yarim himoyachi faoliyatini "Milan"da davom ettirmoqchi, deb xabar beradi ESPN.
Manbaga ko‘ra, Pulishich allaqachon "Milan" bilan kelishuvga erishgan va "Lion"dan farqli o‘laroq, kelasi mavsumda Chempionlar ligasida o‘ynaydigan Italiya klubiga o‘tmoqchi. Shuningdek, "Milan" yarim himoyachiga yuqori maosh taklif qilgani qayd etilgan.
Ushbu bosqichda "rossonerilar" Kristian Pulishichni sotib olish uchun "Chelsi"ga yangi taklif tayyorlamoqda. Ingliz klubi o‘z futbolchisini 25 million yevroga baholamoqda, "Milan" esa atigi 15 million yevro taklif qilgan.
