"Ницца"нинг 22 ёшли ярим ҳимоячиси Кефрен Тюрам фаолиятини "Бавария"да давом эттириши мумкин, дея хабар бермоқда Foot Mercato нашри.
Манбанинг хабарига кўра, немис клуби аллақачон футболчининг вакиллари билан боғланган ва трансфер нархи камида 50 миллион евро бўлиши мумкинлиги қайд этилган.
Тюрамнинг “Ницца” билан шартномаси 2025 йилнинг 30 июнига қадар амал қилади. Transfermarkt портали уни 40 миллион еврога баҳоламоқда.
Ўтган мавсумда у барча мусобақаларда 48 та ўйинда майдонга тушиб, 2 та гол урди ва 4 та голли узатмани амалга оширди.
Унинг Франция терма жамоасида битта ўйини бор.
