Жерар Пике Лионель Мессининг "Интер Майами"га ўтиш қарорига изоҳ берди.
"Мен бошиданоқ у "Интер Майами"га ўтади деб ўйлагандим. Аммо унга астрономик суммаларни таклиф қилишди ва менимча, унда "Барселона"га қайтиш варианти ҳам бор эди.
Лекин менимча, энг табиий вариант АҚШ бозорини очиш эди. Майамида испанияликлар жуда кўп, унга мослашиш осон бўлади, у ерда ҳаёт яхши ва бу МЛС ривожланишига ёрдам беради.
Унга "Барса"га қайтиш қийин бўлганга ўхшади. Клубнинг барча рақамларини билмайман, лекин матбуотнинг ёзишига қараганда, бу жуда қийин трансфер бўлди ва амалга ошмади. Буни амалга ошириш мумкинми ёки йўқми, менда ҳеч қандай маълумот йўқ”, - деди “Барселона”нинг собиқ ҳимоячиси.
