"Реал"нинг ўнг қанот ҳимоячиси Альваро Одриосола "Реал Сосьедад"га ўтиши мумкин.
Испания матбуотидаги кўплаб хабарларга кўра, мадридликлар 27 ёшли футболчи учун ҳеч қандай режалари йўқ, шунинг учун улар жорий трансфер ойнасида у бўйича таклифларни мамнуният билан кўриб чиқадилар. Diario AS хабарига кўра, Одриосола кетишга яқин: "Реал Сосьедад" "қаймоқранглилар" билан латерал футболчининг трансфери бўйича музокараларни бошлаб юборган.
Альваро Одриосола - "Реал Сосьедад" тарбияланувчиси. 2018 йилнинг ёзида у 30 миллион евродан кўпроқ сумма эвазига ўтиб, мадридликлар сафига қўшилди. Ўтган мавсумда испаниялик Карло Анчелотти жамоасининг барча мусобақаларда бор йўғи олтита ўйинида иштирок этган.