"Болонья"нинг 34 ёшли ҳужумчиси Марко Арнаутовичга "Ювентус", "Милан" ва "Рома" жиддий қизиқиш билдирмоқда.
Манбанинг хабарига кўра, австриялик ҳужумчи юқоридаги клублар томонидан ҳужумни кучайтириш учун устувор вариантларга эҳтимолий арзонроқ муқобил сифатида қаралмоқда. Бироқ футболчининг агенти "Болонья"ни тарк этишни зарур деб ҳисобламайди. Унга кўра, Марко клубда бахтли ва кетмоқчи эмас. Ҳозирча у бор эътиборини "Болонья" либосида энг яхши натижага эришиш учун мавсумолди тайёргарликни бошлашга қаратган.
Австриялик футболчи ўтган мавсумда А Серияда “Болонья” сафида 21 та ўйинда майдонга тушиб, 10 та гол урган. Transfermarkt интернет портали 34 ёшли футболчининг бозор қийматини 5 миллион еврога баҳолаган.
