"Байер" "Ливерпуль"нинг 19 ёшли ҳимоячиси Люк Чемберсга жиддий қизиқиш билдирмоқда. "Дорихоначилар" ёш футболчини ижарага олмоқчи, дея хабар беради журналист Флориан Плеттенберг ўзининг Twitter саҳифасида.
Манбага кўра, клублар ўртасида трансфер бўйича фаол музокаралар олиб борилмоқда, бироқ томонлар ўртасида оғзаки келишувга ҳали эришилгани йўқ. Улар айнан футболчининг ижараси масаласини муҳокама қилишмоқда, бироқ унга ёш инглиз ҳимоячисини тўлиқ сотиб олиш вариантини ҳам киритиш мумкин.
Transfermarkt интернет портали 19 ёшгача бўлган Англия терма жамоаси футболчисининг бозор қийматини 300 минг еврога баҳоламоқда. Якунланган 2022/2023 йилги мавсумда Люк Чемберс 21 ёшгача бўлган "Ливерпуль" таркибида 32 та ўйинда майдонга тушиб, битта гол ва 3 та голли узатмани амалга оширган.