"Лацио" ярим ҳимоячиси Сергей Милинкович-Савич Туриннинг "Ювентус" клубига эмас, Саудия Арабистони чемпионати клубларидан бирига ўтиши мумкин.
Repubblica хабарига кўра, сербиялик ярим ҳимоячи "Ал-Ҳилол"га ўтишга рози бўлган. “Бургутлар” етакчисининг янги клуби билан шартномасидаги маоши бир мавсумда 20 миллион евродан ошади.
Маълум қилинишича, араб клуби фақат "Лацио" раҳбарияти билан келишиб олиши керак ва мумкин бўлган келишув суммаси 40 миллион еврони ташкил қилиши мумкин. “Ал-Ҳилол” шунча суммани таклиф қилишга тайёр.
Эслатиб ўтамиз, Сергей Милинкович-Савич 2015 йилдан буён "Лацио"да ўйнаб келмоқда.