"Эвертон" янги мавсум бошланишидан олдин чап қанот ҳимоячиси позициясини кучайтиришни режалаштирмоқда.
Клуб ҳозирданоқ Англия терма жамоасининг собиқ футболчиси, ҳозирда эркин агент бўлган Эшли Янг билан музокаралар олиб бормоқда. "Эвертон" футболчини қўлга киритиш учун фаворит ҳисобланади.
Клуб "Сассуоло" чап қанот ҳимоячиси Рожерио да Сильвани сотиб олишни кўриб чиқмоқда, унинг жамоа билан шартномаси 2024 йилнинг ёзига қадар мўлжалланган.
HITC нашри хабарига кўра, "Милан" ҳимоячиси Фоде Балло-Туре ҳам ливерпулликларнинг трансфер режаларида.
"Эвертон" ҳужум чизиғини ҳам кучайтирмоқчи: "Лидс"дан вингер Уильфрид Ньонто ва "Ньюкасл"дан Аллан Сент-Максименни ўз сафига қўшиб олмоқчи.
Ньонто учун курашда клуб “Астон Вилла” ва “Интер”дан олдинда.
"Эвертон" ўтган мавсумда АПЛда 17-ўринни эгаллади.
