"Барселона" президенти Жоан Лапортанинг айтишича, клуб Бразилия терма жамоаси ва "Атлетико Паранаэнсе"нинг 18 ёшли ҳужумчиси Витор Роке билан шартнома имзолаган.
"У аллақачон имзоланган. Бизда унинг ўтиш режаси бор. Вазият ўзгармаса, у 2024 йилнинг январида ёки 2024 йилнинг июнида жамоага қўшилади. Шартнома имзоланган ва у аллақачон "Барса" футболчиси. Унинг ўзига хос услуби бор. Уни Роналдо ёки Ромарио билан солиштириб бўлмайди. У биздагиларга ўхшамайди", - дея Лапорта сўзларидан иқтибос келтиради Mundo Deportivo.
Олдинроқ трансфер суммаси бонусларни ҳисобга олмаганда 35 миллион евро экани хабар қилинганди. Футболчининг келишуви 2028 йилнинг ёзига қадар ҳисоблаб чиқилади.
Роке 2023 йилда “Атлетико Паранаэнсе” сафида барча мусобақаларда 25 та ўйинда майдонга тушиб, 10 та гол ва 5 та голли узатмага муаллифлик қилган.