"Лестер"нинг собиқ ярим ҳимоячиси Дэнни Дринкуотер ўтган мавсумда чемпионшипга тушиб кетган жамоага қайтиш истагини билдирди.
Эслатиб ўтамиз, англиялик аввалроқ "Лестер" билан Премьер-лигада ғолиб чиққан, аммо 2017 йилда жамоани тарк этиб, "Челси"га ўтганди.
"Мен "Лестер"га қайтишга 100% тайёрман, буни ўзимга тушунтирдим. Бу жой мен учун алоҳида маънони англатади.
Мен жамоага Премьер-лигага қайтишда ёрдам беришни истардим", - дея Дринкуотердан иқтибос келтирди Football Daily.
Эслатиб ўтамиз, "Лестер"га яқинда италиялик Энцо Мареска бош мураббий этиб тайинланганди, у аввалроқ "Манчестер Сити"да Хосеп Гвардиоланинг ёрдамчиси бўлиб ишлаган.
