"Барселона" ҳужумчиси Ферран Торрес раҳбарият уни ушбу трансфер ойнасида сотмоқчи эканлигини тушунди. Бироқ футболчи Каталония клуби бир йил аввал сотмоқчи бўлган ярим ҳимоячи Френки де Йонгдан ўрнак олади. Эслатиб ўтамиз, нидерландиялик футболчи якунда қолган ва ҳозирда раҳбарият уни дахлсиз деб ҳисоблайди.
Ферран "Барселона"да қолиб, мураббийлар штабига асосий таркибдан жой олишга лойиқлигини исботлаш ниятида. Эслатиб ўтамиз, испаниялик футболчи Хави Эрнандес жамоасига 2022 йилнинг январида "Манчестер Сити"дан 55 миллион евро эвазига ўтган эди.
Ўтган мавсумда Торрес Испания чемпионатида 4 та гол урди ва 2 та голли узатмани амалга оширди.
