Туриннинг “Ювентус” клуби “Барселона” билан каталонияликларнинг ивуарлик ярим ҳимоячиси Франк Кессиэнинг трансфери бўйича музокараларни давом эттирмоқда.

Фабрицио Романо хабарига кўра, томонлар 26 ёшли футболчи борасида музокараларнинг янги босқичини ўтказишади. Кессиэ - бу ёзги трансфер ойнаси учун Турин клубининг асосий мақсади, аммо "Ювентус" биринчи навбатда футболчининг кейинги ҳаракатини тушунишни истайди, чунки Франк "Барселона"да қолиш ёки Англия Премьер-лигаси клубларида ўзини синаб кўрмоқчи эди.

Кессиэ "Барселона"га 2022 йилнинг ёзида текин трансфер орқали қўшилди. Ўтган мавсумда 43 та ўйинда ивуарлик 3 та гол урди ва 3 та голли узатмани амалга оширди. Томонлар ўртасидаги келишув 2026 йилнинг ёзида якунига етади.