Ҳимоячи Кайл Уокернинг келажаги ноаниқлигича қолмоқда.
Миш-мишларга кўра, 33 ёшли футболчи "Бавария"нинг таклифига рози бўлган, аммо мюнхенликлар ҳали "Манчестер Сити" билан трансфер бўйича келиша олгани йўқ.
Ижтимоий тармоқ инсайдери Фабрицио Романонинг фикрича, Кайл Уокернинг Хосеп Гвардиола билан суҳбати Кайл Уокернинг келажаги учун ҳал қилувчи омил бўлади.
"Манчестер Сити" бош мураббийи ва футболчиси келаси ҳафта жамоа мавсумолди машғулотларини бошлаган пайтда гаплашиб олишади.
Уокернинг "Манчестер Сити" билан амалдаги шартномаси 2024 йилнинг июнь ойи охиригача амал қилади, transfermarkt портали футболчини 13 миллион еврога баҳоламоқда.