"Манчестер Юнайтед" марказий ҳимоячиси Харри Магуайр сотилиши мумкин.
Якшанба куни клуб 30 ёшли футболчидан сардорлик боғичини олиш қарорини эълон қилди. Журналист Чарли Уайтнинг сўзларига кўра, англиялик бу чорадан ғазабланган ва ҳайратда қолган – энди у кетишга тайёр. Магуайр билан хайрлашиш учун "Манчестер Юнайтед" сўралаётган нархни 50 миллион фунтдан (58 миллион евродан ортиқ) 30 миллион фунтга (тахминан 35 миллион евро) туширишга тайёр.
Магуайр 2019 йилда “Қизил иблислар” сафига “Лестер”дан 87 миллион евро эвазига келиб қўшилган эди. Футболчининг амалдаги шартномаси 2025 йилнинг ўрталарига қадар тузилган.
