Андре Онана "Манчестер Юнайтед"га ўтишга тайёрланмоқда.

"Интер" дарвозабонни инглиз клубига сотишга рози бўлди, яқинда маълум бўлганидек, келишувнинг барча шартлари келишиб олинди. "Манчестер Юнайтед" 27 ёшли камерунлик футболчи учун бонусларни ҳисобга олмаганда тахминан 50 миллион евро тўлайди ва шу тариқа у футбол тарихидаги энг қиммат дарвозабонлар бешлигига киради, дейди инсайдер Фабрицио Романо.

Рейтинг етакчиси “Челси” томонидан “Атлетик”дан 80 миллион еврога сотиб олинган Кепа Аррисабалага, иккинчи ўринни “Рома”дан “Ливерпуль”га 62,5 миллион еврога ўтган Алиссон, учинчи ўринни “Парма”дан 2001 йилда "Ювентус"га ўтган Жанлуижи Буффон эгаллаб турибди (52,5 миллион евро).