Нидерландиянинг ПСВ клуби ярим ҳимоячиси Иброҳим Сангаре тез орада Англия Премьер-лигасининг “Ноттингем Форест” клуби футболчисига айланиши мумкин. Бу ҳақда The Athletic хабар бермоқда.
Манбага кўра, Уэст-Бриджфорд клуби раҳбарияти аллақачон эйндховенликларга таклиф билан чиққан ва ҳозирча жавоб кутмоқда.
Премьер-лига жамоаси Сангарега узоқ вақтдан бери қизиқиш билдириб келмоқда.
"Челси", "Арсенал", "Тоттенхэм" ва "Ливерпуль" ҳам ивуарлик футболчини кузатиб бораётгани ҳақида хабарлар мавжуд.
Сангаре ўтган мавсумда барча мусобақаларда 45 та ўйин ўтказди, ПСВ Эредивизияда иккинчи ўринни эгаллади ва мамлакат кубогини қўлга киритди.