"Челси" ярим ҳимоячи Мойсес Кайседо учун "Брайтон"га янги таклиф билан чиқади.
Клублар ўртасидаги музокаралар чўзилиб кетмоқда, футболчининг ўзи эса лондонликлар сафига қўшилишга тайёр. Инсайдер Фабрицио Романонинг сўзларига кўра, “Челси” эквадорлик футболчи учун 80 миллион евродан кўпроқ ва бонуслар таклиф қилади. "Аристократлар" раҳбарияти трансферни янги ҳафтада якунлашга умид қилмоқда, аммо ҳозирча "Брайтон"дан ҳеч қандай кафолат йўқ.
Мойсес Кайседонинг трансфер нархи Transfermarkt экспертлари томонидан 75 миллион еврога баҳоланмоқда. 21 ёшли футболчи барча мусобақаларда “чайкалар” сафида 53 та ўйинда майдонга тушиб, 2 та гол урган ва 3 та ассист қайд этган.
