"ПСЖ" ярим ҳимоячиси Хави Симонс фаолиятини Англия Премьер-лигасининг топ-клубида давом эттириши мумкин. Ижтимоий тармоқ инсайдери Лоик Танзи хабарига кўра, 20 ёшли ярим ҳимоячига "Манчестер Юнайтед" қизиқиш билдирмоқда. Манкунианликлар футболчи учун Германиянинг “Лейпциг” клуби билан рақобатлашишга тайёр.
Эслатиб ўтамиз, "ПСЖ" футболчини олти миллион еврога қайтариб сотиб олиш ҳуқуқидан фойдаланиб, Нидерландиянинг ПСВ клубидан қайтарган эди.
Transfermarkt портали ярим ҳимоячининг нархини 40 миллион еврога баҳоламоқда.
Хави ўтган мавсумда 34 та ўйинда майдонга тушиб, 19 та гол ва 8 та голли узатмага муаллифлик қилган.
