"Бавария" бош директори Ян-Кристиан Дризен "Наполи" ҳимоячиси Ким Мин Же билан шартнома имзоланиши ҳақида фикр билдирди.
"Ким Мин Же истеъдодли футболчи. Биз унинг клубимизга қўшилишини қаттиқ хоҳлаймиз. Ҳозирча ҳеч нарсани эълон қила олмайман.
Умид қиламанки, бу яқин кунларда содир бўлади", – деди Дризен, унинг сўзларини ўз саҳифаларида журналист Фабрицио Романо келтирган.
Ким Мин Же 26 ёшда. Нуфузли transfermarkt портали мутахассислари кореялик футболчини 60 миллион еврога баҳоламоқда.
Ҳимоячи "Наполи" сафида 45 та ўйин ўтказиб, иккита гол урди ва иккита самарали узатмани амалга оширди.
