Сўнгги бир неча кун ичида "Ювентус" ва "Фиорентина" бразилиялик ярим ҳимоячи Артур Мелонинг ижарага берилиши бўйича музокаралар олиб боришди. Бу жараёндаги янги бурилиш футболчининг "оқ-қоралар" билан шартномасини узайтириши бўлиши мумкин, дея хабар беради журналист Жанлука ди Марцио.

Хабар қилинишича, бугун 26 ёшли футболчининг агенти Федерико Пасторелло шартнома тафсилотларини муҳокама қилиш учун Туринга келади. Флоренцияга потенциал кўчиб ўтиш анча вақтдан бери ишламоқда, аммо бу амалга ошишидан олдин "Ювентус" Артур билан шартномани узайтирмоқчи.

Бразилиялик футболчининг амалдаги шартномаси 2025 йилнинг ёзида якунига етади.