Мадриднинг "Атлетико" клуби Жоау Феликсни "Барселона"га қўйиб юборишга рози бўлди. AS хабарига кўра, "матрасчилар" 23 ёшли португалиялик футболчини кейинчалик сотиб олиш шарти билан "Камп Ноу"га ижарага қўйиб юборишга тайёр.
Аввалроқ Жоау Феликс ҳар доим "Барселона"да ўйнашни орзу қилганини айтганди.
Нуфузли Transfermarkt портали мутахассислари Жоау Феликсни 50 миллион еврога баҳоламоқда. Португалиялик ҳужумчи ўтган мавсумнинг иккинчи қисмини Англиянинг "Челси"сида ижара асосида ўтказди.
Эслатиб ўтамиз, ўтган мавсумда "Барселона" сўнгги 4 йил ичида илк бор Испания чемпионига айланганди.
