Дортмунднинг "Боруссия" клуби ярим ҳимоячи Эмре Жан билан шартномани узайтириш борасида келишиб олишга яқин турибди. Бу ҳақда Bild хабар бермоқда.

Дортмунд спорт директори Себастьян Кель бир неча ҳафта давомида Жан билан шартномани узайтириш борасида музокаралар олиб бормоқда ва энди улар келишувга эришганга ўхшайди.

Қўшимча тафсилотларга ҳали аниқлик киритилмаган, аммо дортмундликлар вазиятга оптимистик қарашмоқда. Шартнома муддати номаълум, аммо Жан уни 2026 йилгача узайтириши мумкин.

Эслатиб ўтамиз, аввалроқ шартнома муддати тугаганидан кейин ҳам спортчининг Дортмундда қолиши даргумондек туюлганди, бироқ мавсумнинг иккинчи ярмидаги у ўз ўйини билан ҳамон жамоа учун майдонда ҳам, ундан ташқарида ҳам муҳим футболчи бўлиб қолаётганини кўрсатди.