Мадриднинг “Атлетико” клуби ҳужумчиси Жулиано Симеоне “Алавес”да ижара асосида ўйнайди.

"Алавес" клуби вакиллари аргентиналик футболчининг тезлиги ва чидамлилигини, шунингдек, унинг қаттиқ кураш олиб бориши ва бўш жойдан унумли фойдалана олишини қайд этишмоқда.

Симеоне ўтган мавсумни "Сарагоса"да ижара асосида ўтказди. У Сегундада 36 та ўйин ўтказиб, "гол+пас" тизимида 12 очко (9 гол ва 3 голли узатма) тўплаган ва 6 та сариқ карточка олган. Transfermarkt портали 20 ёшли футболчини 2,5 миллион еврога баҳоламоқда.

Эслатиб ўтамиз, "Алавес" 2023/2024 йилги мавсумни Ла Лигада ўтказади.