"ПСЖ" ўз футболчиси учун таклифлар қабул қилиши давом эттиради. Хабарларга кўра, айни дамда Килиан Мбаппе учун парижликлар "Челси"дан келадиган расмий таклифни кутмоқда. Бу ҳақида The Times нашри хабар тарқатди.
Агарда Лондон клуби ҳужумчини сотиб олса, бу Почеттино жамоаси учун катта юриш бўлади. "Челси" ЕЧЛда иштирок этмайди. Аммо "аристократлар" АПЛ учун энг жиддий даъвогарга айланади.
Қолаверса, Мбаппенинг Англияга ўтиши Холанд билан ўртадаги рақобатни вужудга келтиради. Аввалроқ Мбаппе учун араблар 300 миллион евро таклиф қилгани ҳақида хабар қилинганди.
