"Марсель" президенти Пабло Лонгория яримҳимоячи Димитри Пайетнинг жамоадан кетиши ҳақида гапирди.
“Мен Димитрига клубимизга берган барча нарсаси учун раҳмат айтмоқчиман. Унинг иқтидоридан ташқари, бу футболчининг жамоага, мухлисларга ва шаҳарга бўлган садоқати ва меҳрини ҳам қайд этмоқчиман. Мен унга фаолиятининг янги босқичида энг яхши тилакларимни тилайман", - дейди Прованс клуби матбуот хизмати.
Пает “Марсель” сафида жами 326 та ўйин ўтказиб, 78 та гол ва 95 та голли узатмани амалга оширган. Димитри ҳозирча эркин агент ҳисобланади.













