Италиялик ярим ҳимоячи Марко Верратти Саудия Арабистонига ўтиш учун "ПСЖ"ни тарк этишга яқин турибди. Ярим ҳимоячининг янги клуби "Ал-Ҳилол" бўлади.
Инсайдер Николо Скиранинг хабар беришича, 30 ёшли футболчи Саудия клуби билан 3 йиллик шартномани келишиб олган. Верраттининг маоши йилига 48 миллион еврони ташкил қилади. "Ал-Ҳилол" ярим ҳимоячининг трансфери учун тахминан 50 миллион тўлашга тайёр.
Эслатиб ўтамиз, ёзги трансфер ойнасида Саудия клуби бир нечта шов-шувли шартномалар тузган эди. Жамоа сафига ҳужумчи Малком, ярим ҳимоячилар Сергей Милинкович-Савич ва Рубен Невеш, шунингдек, ҳимоячи Калиду Кулибали келиб қўшилди.
