"Ливерпуль" ярим ҳимоячиси Фабиньо клуби рўйхатини ўзгартиришга яқин турибди. Бразилиялик футболчининг янги иш жойи Саудиянинг "Ал-Иттиҳод" клуби бўлади.
Ижтимоий тармоқ инсайдери Фабрицио Романонинг ёзишича, клублар муваффақиятли музокаралар олиб борган ва келишув шартларини келишиб олган. Яқин орада Фабиньо тиббий кўрикдан ўтиши ва янги иш берувчи билан уч йиллик шартнома имзолаши кутилмоқда.
29 ёшли ярим ҳимоячи 2018 йилдан буён “Ливерпуль” сафида тўп тепади ва унинг шартномаси 2026 йилнинг июнь ойи охирида тугайди.
Фабиньо ўтган мавсумда Премьер-лигада 36 та ўйинда майдонга тушиб, 2 та голли узатмани амалга оширган.
