"Манчестер Сити" бош мураббийи Хосеп Гвардиола журналистнинг Эрлинг Холанднинг мослашуви ҳақидаги саволига жавоб берди.
"Эрлинг ҳали жамоага тўлиқ мослашмаган ва ундан ҳам яхшироқ бўлиш учун қанча қадам ташлаши керак? Эрлинг Холанд "Манчестер Сити"га жуда яхши мослашганини айтган бўлардим. Бир мавсумда 60 дан ортиқ гол урди! У жуда тез ва жуда яхши мослашди. Демак, бу борада ҳеч қандай муаммо йўқ", - деди Гвардиола City Xtra билан суҳбатда.
Эрлинг Холанд ўтган ёзда "Боруссия Дортмунд"дан "Манчестер Сити"га ўтган эди. Инглиз клубидаги дебют мавсумида норвегиялик ҳужумчи Премьер-лигада 36 та гол урди ва 8 та голли узатмани амалга оширди.
