"Манчестер Сити" спорт директори Чики Бегиристайн Натан Аке ҳақида фикр билдирди. У шундай дейди:
"Биз Натаннинг ривожланишини ўз кўзимиз билан кўрдик. Шундай экан, унинг биз билан қолиши катта ҳодисадир. Бу ҳаммамизни хурсанд қилади. Натан ўтган мавсумдаги требл совринларни қўлга киритишда катта ҳисса қўшди. Аммо мен ишонаманки, у бундан ҳам яхшироқ бўла олади. Акенинг инсоний жиҳатларини алоҳида таъкидлашни истардим. Бу ердаги ҳамма уни яхши кўради".
Аке 2020 йилда 40 миллион фунт эвазига харид қилинганди.
