"Вест Хэм" "Манчестер Юнайтед" ярим ҳимоячиси Скотт МакТоминайни сотиб олиш устида ишламоқда. Журналист Росс Харвуд ижтимоий тармоқларда хабар беришича, "қизил иблислар" шотландиялик учун 40-45 миллион фунт талаб қилмоқда, аммо "болғачилар" 25 миллион фунт стерлингдан (тахминан 29 миллион евро) кўпроқ тўлашга тайёр эмаслар.
Қайд этилишича, "МЮ" Лондондан келган таклифни кўриб чиқиши мумкин, агар "Вест Хэм" унга муносиб бонуслар қўша олса.
26 ёшли МакТоминайнинг ўзи клубини ўзгартиришга тайёр, чунки у кўпроқ ўйин вақтини олишни хоҳлайди.
