"Вест Хэм" ҳужумчиси Жанлука Скамакка ва "Интер" ўзаро шартнома бўйича келишиб олишди, дея хабар бермоқда инсайдер Николо Скира.
Скира хабарига кўра, томонлар ўртасидаги келишув 2028 йилгача мўлжалланган. Бир мавсум учун Скамакка 3,2 миллион евро олади.
24 ёшли италиялик ҳужумчи 2022/2023 йилги мавсумда “Вест Хэм” сафида барча мусобақаларда 27 та ўйинда майдонга тушди. Футболчи рақиблар дарвозасига саккизта гол урди ва битта самарали узатмани амалга оширди.
Фаолиятидаги энг яхши мавсумида Жанлука “Сассуоло” сафида Италия А Сериясининг 36 ўйинида 16 та гол урди.
"Интер" яқин кунларда янги таклиф билан қайтиши аввалроқ хабар қилинганди. Миланликлар 25 миллион евро таклиф қилмоқчи. Инглиз клуби эса тахминан 30 миллион евро сўраши кутилмоқда. "Интер" Скамакканинг трансферига жуда қизиқмоқда.
