Саудиянинг "Ал-Иттиҳод" клубининг янги футболчиси Фабиньо сўнгги беш мавсум давомида ўйнаган "Ливерпуль" билан хайрлашди.
"Мен уйимни тарк этдим. "Ливерпуль" либосини катта ифтихор билан кийганман. Бу клубда мени биринчи кунданоқ жуда илиқ кутиб олишди. Мен ўзимни ушбу оиланинг аъзосидек ҳис қилдим. Шу беш йил ичида мен футболчи ва эркак сифатида ўсдим. Мен бу клубни жуда яхши кўраман. Бирга бошдан кечирган кунларимиз учун раҳмат", - деди бразилиялик ярим ҳимоячи ижтимоий тармоқда.
Эслатиб ўтамиз, Фабиньо Саудия клуби билан 2026 йилнинг ўрталарига қадар мўлжалланган шартномани имзолаган эди.
